كيف ممكن يصير “تصحيح سعري” لعقارات دمشق؟

الكل عم يلاحظ الارتفاع الجنوني بأسعار عقارات دمشق، لدرجة وصل المتر ببعض الأحياء الراقية لأكثر من 5000 !!دولار

“هاد الفارق الضخم بين الأسعار ودخْل الناس، فتح الباب للكلام عن قرب مرحلة “التصحيح السعري
شو يعني تصحيح سعري؟

باختصار، مو معناه انهيار السوق أو إن العقار يفقد قيمته تماماً، بل هو مجرد عودة الأسعار لأرقام منطقية بتناسب القدرة الشرائية الحقيقية للناس

:أهم 5 مؤشرات بتدل إننا رايحين للتصحيح
فجوة الدخل والأسعار
لما يكون دخل العيلة بين 150 لـ 300 دولار، وسعر الشقة العادية بيوصل لـ 150 ألف دولار، هاد خلل كبير بيجبر السوق يهدى عاجلاً أم آجلاً
2.قلة المشترين الحقيقيين: العقار تحول من حاجة للسكن لوسيلة حفظ قيمة واستثمار. لما يكتروا المستثمرين ويقلّوا الناس اللي بدها تسكن فعلياً، بيبطأ الشراء وبتنجبر الأسعار تنزل
3.الهروب نحو الريف: بسبب الغلاء، كتير عائلات عم تتوجه لريف دمشق اللي أسعاره أرخص بكتير (بين 200 و 400 دولار للمتر)، وهاد بيسحب البساط والطلب من قلب العاصمة
زيادة المعروض من الشقق
و مشاريع إعادة إعمار و التوسع العمراني المستقبلي رح تزيد الشقق المعروضة، وبالتالي بتخفف من جنون الأسعار
.تراجع المضاربات
“الأسعار الحالية بالبلد بيوصفها الكتير بـ “غير المفهومة

ولما يقتنع المستثمرين إنو الأسعار تضخمت زيادة عن اللزوم، بيبدأ البيع لجني الأرباح، وهون بيبدأ التصحيح بالتدريج

كيف بيبان هاد التصحيح بالأرقام؟
بمعظم الأسواق العالمية، التصحيح المنطقي بيكون بين 10% و30% (وليس انهياراً كاملاً بنسبة 50% مثلاً)

هل التصحيح قريب؟
السوق بدمشق لسه متماسك شوي لأنو العقار بيبقى أضمن وسيلة لحفظ قيمة العملة، ولأنو لسه في طلب من بعض المغتربين
لكن بالمقابل، ضعف الرواتب، والتوجه للريف، وركود حركة البيع، كلها عوامل بتقول إننا رايحين لفترة استقرار أو هبوط تدريجي (بين 10% و30%) بالسنوات الجاية، وخاصة بالمناطق المتوسطة، بينما الأحياء الراقية غالباً رح تضل الأكثر مقاومة للتراجع على المدى القريب لحتى تظهر البدائل الموعودة

ودمتم سالمين

HuSSeiN

شركة_بيوتات_للوساطة_العقارية#

تصحيح_سعري#